غیر مسلموں کے روزے

ﺩﻧﯿﺎ ﻣﯿﮟ ﺍﺳﻼﻡ ﮐﮯ ﻋﻼﻭﮦ ﺩﻭﺳﺮﮮ ﻣﺬﺍﮨﺐ ﻣﯿﮟ ﺑﮭﯽ ﺭﻭﺯﮮ ﮐﺎ ﺗﺼﻮﺭ ﭘﺎﯾﺎ ﺟﺎﺗﺎ ﮨﮯ ﺍﻭﺭ ﻏﯿﺮﻣﺴﻠﻤﻮﮞ ﮐﺎ ﺑﮭﯽ ﺍﯾﮏ ﻃﺒﻘﮧ ﺭﻭﺯﮦ ﺭﮐﮭﺘﺎ ﮨﮯ، ﺣﺎﻻﻧﮑﮧ ﺍﻥ ﮐﮯ ﮨﺎﮞ ﺭﻭﺯﮮ ﮐﮯ ﻣﻌﺎﻣﻼﺕ ﮐﭽﮫ ﺍﻟﮓ ﮨﯿﮟ ﺍﻭﺭ ﻭﮦ ﺍﭘﻨﮯ ﻃﺮﯾﻘﮯ ﺳﮯ ﺭﻭﺯﮮ ﺭﮐﮭﺘﮯ ﮨﯿﮟ، ﺍﻥ ﮐﮯ ﺭﻭﺯﮮ ﮐﮯ ﺍﯾﺎﻡ ﺑﮭﯽ ﻣﺨﺘﻠﻒ ﮨﯿﮟ۔ﺍﺳﻼﻡ ﻣﯿﮟ ﺭﻭﺯﮦ ﺍﯾﮏ ﺑﻨﯿﺎﺩﯼ ﺳﺘﻮﻥ ﮐﯽ ﺣﯿﺜﯿﺖ ﺭﮐﮭﺘﺎ ﮨﮯ ، ﺍﺳﻼﻡ ﮐﮯ ﭘﺎﻧﭻ ﺑﻨﯿﺎﺩﯼ ﺍﺭﮐﺎﻥ ﮨﯿﮟ۔ ﺟﻦ ﻣﯿﮟ ﺭﻭﺯﮦ ﺍﯾﮏ ﺍﮨﻢ ﻋﺒﺎﺩﺕ ﮨﮯ ،ﺍﻭﺭ ﺍﭘﻨﮯ ﺍﻟﻠﮧ ﮐﯽ ﺭﺿﺎﻣﻨﺪﯼ ﺣﺎﺻﻞ ﮐﺮﻧﮯ ﮐﺎ ﺑﮩﺘﺮﯾﻦ ﺫﺭﯾﻌﮧ ﮨﮯ۔ﺩﻧﯿﺎ ﻣﯿﮟ ﻣﺴﻠﻤﺎﻧﻮﮞ ﮐﯽ ﺑﮍﯼ ﺗﻌﺪﺍﺩ ﺭﻣﻀﺎﻥ ﮐﮯ ﺭﻭﺯﮮ ﺭﮐﮭﺘﯽ ﮨﮯ، ﺍﻟﻠﮧ ﻧﮯ ﻗﺮﺍٓﻥ ﮐﺮﯾﻢ ﻣﯿﮟ ﺟﮩﺎﮞ ﺭﻭﺯﮮ ﮐﯽ ﻓﺮﺿﯿﺖ ﺑﯿﺎﻥ ﮐﯽ ﮨﮯ ﻭﮨﺎﮞ ﯾﮧ ﺑﮭﯽ ﺑﺘﺎﯾﺎ ﮨﮯ ﮐﮧ ﭘﺮﺍﻧﯽ ﺍﻣﺘﻮﮞ ﭘﺮ ﺑﮭﯽ ﺭﻭﺯﮮ ﻓﺮﺽ ﮐﺌﮯ ﮔﺌﮯﺗﮭﮯ۔ ’’ ﺍﮮ ﺍﯾﻤﺎﻥ ﻭﺍﻟﻮ ! ﺗﻢ ﭘﺮ ﺭﻭﺯﮮ ﻓﺮ ﺽ ﮐﺌﮯ ﮔﺌﮯ ﮨﯿﮟ ﺟﯿﺴﺎ ﮐﮧ ﺍﻥ ﻟﻮﮔﻮﮞ ﭘﺮ ﻓﺮﺽ ﮐﺌﮯ ﮔﺌﮯ ﺗﮭﮯ ﺟﻮ ﺗﻢ ﺳﮯ ﻗﺒﻞ ﮨﻮﺋﮯ ﮨﯿﮟ ﺗﺎﮐﮧ ﺗﻢ ﻣﺘﻘﯽ ﺑﻦ ﺟﺎﻭٔ۔ )‘‘ ﺳﻮﺭﮦ ﺑﻘﺮﮦ ‏) ﺍﮨﻞ ﺍﺳﻼﻡ ﮐﮯ ﻟﺌﮯ ﺭﻭﺯﮮ ﮐﯽ ﻓﺮﺿﯿﺖ ﮐﺎ ﺣﮑﻢ ﺍﮔﺮﭼﮧ ﮨﺠﺮﺕ ﻧﺒﻮﯼ ﮐﮯ ﺑﻌﺪ ﮨﻮﺍ ﻣﮕﺮﺍﺱ ﺳﮯ ﻗﺒﻞ ﺑﮭﯽ ﺩﻧﯿﺎ ﮐﮯ ﺩﻭﺳﺮﮮ ﻣﺬﺍﮨﺐ ﻣﯿﮟ ﺭﻭﺯﮮ ﮐﺎ ﺗﺼﻮﺭ ﭘﺎﯾﺎ ﺟﺎﺗﺎ ﺗﮭﺎ ۔ﯾﮩﻮﺩﯼ ﻣﺬﮨﺐ ﻣﺴﻠﻤﺎﻧﻮﮞ ﮐﮯ ﻋﻼﻭﮦ ﯾﮩﻮﺩﯼ ﺑﮭﯽ ﺑﮩﺖ ﺯﯾﺎﺩﮦ ﺭﻭﺯﮮ ﺭﮐﮭﺘﮯ ﮨﯿﮟ، ﺣﻀﺮﺕ ﻣﻮﺳﯽٰ ﻋﻠﯿﮧ ﺍﻟﺴﻼﻡ ﭘﺮﻧﺎﺯﻝ ﮨﻮﻧﮯ ﻭﺍﻟﯽ ﻣُﻘﺪﺱ ﮐﺘﺎﺏ ﺗﻮﺭﺍﺕ ﻣﯿﮟ ﮐﺌﯽ ﻣﻘﺎﻣﺎﺕ ﭘﺮﺭﻭﺯﮦ
ﮐﯽ ﻓﺮﺿِﯿّﺖ ﮐﺎﺣﮑﻢ ﺩﯾﺎﮔﯿﺎﮨﮯ۔ﺣﻀﺮﺕ ﻣﻮﺳﯽٰ ﻋﻠﯿﮧ ﺍﻟﺴﻼﻡ ﮐﯽ ﺷﺮﯾﻌﺖ ﻣﯿﮟ ﺻﺮﻑ ﺍﯾﮏ ﺭﻭﺯ ﮦ ﻓﺮﺽ ﺗﮭﺎ ﺍﻭﺭ ﯾﮧ ﻋﺎﺷﻮﺭﮦ ﮐﺎ ﺭﻭﺯﮦ ﺗﮭﺎ ۔ﯾﻮﻡ ﻋﺎﺷﻮﺭﮦ ﮐﮯ ﺭﻭﺯﮮ ﮐﻮ ﮐﻔﺎﺭﮦ ﮐﺎ ﺭﻭﺯﮦ ﮐﮩﺎ ﺟﺎﺗﺎ ﮨﮯ، ﺭﻭﺯﮮ ﻣﯿﮟ ﯾﮩﻮﺩﯼ ﺍﭘﻨﺎ ﺑﯿﺶ ﺗﺮ ﻭﻗﺖ ﺳﯿﻨﯿﮕﺎﮒ ﻣﯿﮟ ﮔﺰﺍﺭﺗﮯ ﮨﯿﮟ ﺍﻭﺭ ﺗﻮﺑﮧ ﻭ ﺍﺳﺘﻐﻔﺎﺭ ﮐﺮﺗﮯ ﮨﯿﮟ ﻧﯿﺰ ﺗﻮﺭﯾﺖ ﮐﯽ ﺗﻼﻭﺕ ﻣﯿﮟ ﻣﺼﺮﻭﻑ ﺭﮨﺘﮯ ﮨﯿﮟ۔ﺗﻮﺭﺍﺕ ﮐﯽ ﺑﻌﺾ ﺭﻭﺍﯾﺎﺕ ﺳﮯ ﻇﺎﮨﺮ ﮨﮯ ﮐﮧ ﺑﻨﯽ ﺍﺳﺮﺍﺋﯿﻞ ﭘﺮ ﺳﺎﺗﻮﯾﮟ ﻣﮩﯿﻨﮯ ﮐﯽ ﺩﺳﻮﯾﮟ ﺗﺎﺭﯾﺦ ﮐﻮ ﮐﻔﺎﺭﮦ ﮐﺎ ﺭﻭﺯﮦ ﺭﮐﮭﻨﺎ ﺿﺮﻭﺭﯼ ﺗﮭﺎ ۔ ﯾﮧ ﺭﻭﺯﮦ ﻧﮧ ﺭﮐﮭﻨﮯ ﻭﺍﻟﻮﮞ ﮐﮯ ﻟﺌﮯ ﺳﺨﺖ ﺑﺎﺕ ﮐﮩﯽ ﮔﺌﯽ ﺗﮭﯽ ﮐﮧ ﺟﻮ ﮐﻮﺋﯽ ﺍﺱ ﺭﻭﺯﮦ ﻧﮧ ﺭﮐﮭﮯ ﮔﺎ ﺍﭘﻨﯽ ﻗﻮﻡ ﺳﮯ ﺍﻟﮓ ﮨﻮ ﺟﺎﺋﮯ ﮔﺎ ۔ﺗﻮﺭﯾﺖ ﮐﯽ ﺭﻭﺍﯾﺎﺕ ﺑﺘﺎﺗﯽ ﮨﯿﮟ ﮐﮧ ﺣﻀﺮﺕ ﻣﻮﺳﯽٰ ﻋﻠﯿﮧ ﺍﻟﺴﻼﻡ ﺟﺐ ﻃﻮﺭ ﭘﮩﺎﮌ ﭘﺮ ﺗﻮﺭﯾﺖ ﻟﯿﻨﮯ ﮐﮯ ﻟﺌﮯ ﮔﺌﮯ ﺍﻭﺭ ﭼﺎﻟﯿﺲ ﺩﻥ ﻣﻘﯿﻢ ﺭﮨﮯ ﺗﻮ ﺭﻭﺯﮮ ﮐﯽ ﺣﺎﻟﺖ ﻣﯿﮟ ﺭﮨﮯ۔ﯾﮩﻮﺩﯾﻮﮞ ﮐﮯ ﮨﺎﮞ ﻣﺼﯿﺒﺖ ﺍﻭﺭ ﺍٓﻓﺎﺕ ﺍٓﺳﻤﺎﻧﯽ ﮐﮯ ﻭﻗﺖ ﻣﯿﮟ ﺭﻭﺯﮮ ﺭﮐﮭﻨﮯ ﮐﺎ ﺣﮑﻢ ﺩﯾﺎ ﮔﯿﺎ ﮨﮯ ﺍﻭﺭ ﻭﮦ ﺭﮐﮭﺘﮯ ﺑﮭﯽ ﮨﯿﮟ۔ ﺟﺐ ﺑﺎﺭﺷﯿﮟ ﻧﮩﯿﮟ ﮨﻮﺗﯽ ﮨﯿﮟ ﺍﻭﺭ ﻗﺤﻂ ﺳﺎﻟﯽ ﭘﮍﺗﯽ ﮨﮯ ﺗﻮ ﺑﮭﯽ ﯾﮩﻮﺩﯾﻮﮞ ﮐﮯ ﮨﺎﮞ ﺭﻭﺯﮦ ﺭﮐﮭﺎ ﺟﺎﺗﺎ ﮨﮯ۔ﯾﮩﻮﺩﯾﻮﮞ ﻣﯿﮟ ﺍﭘﻨﮯ ﺑﺰﺭﮔﻮﮞ ﮐﮯ ﯾﻮﻡ ﻭﻓﺎﺕ ﭘﺮ ﺭﻭﺯﮦ ﺭﮐﮭﻨﮯ ﮐﺎ ﺭﻭﺍﺝ ﺑﮭﯽ ﭘﺎﯾﺎ ﺟﺎﺗﺎ ﮨﮯ۔ ﻣﺜﻼً ﻣﻮﺳﯽٰ ﻋﻠﯿﮧ ﺍﻟﺴﻼﻡ ﮐﮯ ﯾﻮﻡ ﺍﻧﺘﻘﺎﻝ ﭘﺮ ﯾﮩﻮﺩﯼ ﺭﻭﺯﮦ ﺭﮐﮭﺘﮯ ﮨﯿﮟ، ﻋﻼﻭﮦ ﺍﺯﯾﮟ ﮐﭽﮫ ﺩﻭﺳﺮﮮ ﺑﺰﺭﮔﻮﮞ ﮐﮯ ﯾﻮﻡ ﻭﻓﺎﺕ ﭘﺮ ﺑﮭﯽ ﺭﻭﺯﮮ ﺭﮐﮭﮯ ﺟﺎﺗﮯ ﮨﯿﮟ۔ﭘﺎﺭﺳﯽ ﻣﺬﮨﺐ ﭘﺎﺭﺳﯽ ﻣﺬﮨﺐ ﮐﯽ ﺍِﺑﺘﺪﺍ ﺣﻀﺮﺕ ﻋﯿﺴٰﯽ ﻋﻠﯿﮧ ﺍﻟﺴﻼﻡ ﺳﮯ ﭼﮫ ﺳﻮ ﺳﺎﻝ ﭘﮩﻠﮯ ﻓﺎﺭﺱ ‏( ﺍﯾﺮﺍﻥ ‏) ﻣﯿﮟ ﮨﻮﺋﯽ ﺗﮭﯽ، ﯾﮩﻮﺩﯾﻮﮞ ﮐﯽ ﻃﺮﺡ ﻋﯿﺴﺎﺋﯿﻮﮞ ﻣﯿﮟ ﺑﮭﯽ ﺭﻭﺯﮦ ﮐﺎ ﺗﺼﻮﺭ ﭘﺎﯾﺎﺟﺎﺗﺎ ﮨﮯ۔ ﺍﻧﺠﯿﻞ ﮐﯽ ﺭﻭﺍﯾﺎﺕ ﮐﮯ ﻣﻄﺎﺑﻖ ﻋﯿﺴﯽٰ ﻋﻠﯿﮧ ﺍﻟﺴﻼﻡ ﻧﮯ ﭼﺎﻟﯿﺲ ﺩﻥ ﺍﻭﺭ ﭼﺎﻟﯿﺲ ﺭﺍﺕ ﺭﻭﺯﮦ ﺭﮐﮭﺎ ﺗﮭﺎ، ﺣﻀﺮﺕ ﻋﯿﺴﯽٰ ﻋﻠﯿﮧ ﺍﻟﺴﻼﻡ ﻧﮯ ﺭﻭﺯﮮ ﮐﮯ ﺑﺎﺭﮮ ﻣﯿﮟ ﺍﭘﻨﮯ ﺣﻮﺍﺭﯾﻮﮞ ﮐﻮ ﮨﺪﺍﯾﺖ ﺑﮭﯽ ﻓﺮﻣﺎﺋﯽ ﮨﮯ۔ﺭﻭﻣﻦ ﮐﯿﺘﮭﻮﻟﮏ ﻋﯿﺴﺎﺋﯿﻮﮞ ﻣﯿﮟ ﺳﺐ ﺳﮯ ﺑﮍﺍ ﻓﺮﻗﮧ ﺭﻭﻣﻦ ﮐﯿﺘﮭﻮﻟﮏ ﮨﮯ، ﺭﻭﻣﻦ ﮐﯿﺘﮭﻮﻟﮏ ﻋﯿﺴﺎﺋﯿﻮﮞ ﻣﯿﮟ ﺑُﺪﮪ ﺍﻭﺭﺟﻤﻌﮧ ﮐﻮ ﺭﻭﺯﮦ ﺭﮐﮭﺎﺟﺎﺗﺎ ﮨﮯ۔ ﺍِﻥ ﺭﻭﺯﻭﮞ ﮐﯽ ﺧﺎﺹ ﺑﺎﺕ ﯾﮧ ﮨﮯ ﮐﮧ ﺍِﺱ ﻣﯿﮟ ﭘﺎﻧﯽ ﭘﯿﻨﮯ ﮐﯽ ﺍﺟﺎﺯﺕ ﮨﻮﺗﯽ ﮨﮯ ﮐﯿﻮﻧﮑﮧ ﺍُﻥ ﮐﮯ ﺑﻘﻮﻝ ﭘﺎﻧﯽ ﺧﻮﺭﺍﮎ ﻣﯿﮟ ﺷﺎﻣﻞ ﻧﮩﯿﮟ ﮨﮯ۔ﺑﺎﺋﺒﻞ ﻣﯿﮟ ﺍﺱ ﺑﺎﺕ ﮐﯽ ﺗﺎﮐﯿﺪ ﻣﻠﺘﯽ ﮨﮯ ﮐﮧ ﺭﻭﺯﮦ ﺧﻮﺷﺪﻟﯽ ﮐﮯ ﺳﺎﺗﮫ ﺭﮐﮭﺎ ﺟﺎﺋﮯ ﺍﻭﺭ ﭼﮩﺮﮦ ﺍﺩﺍﺱ ﻧﮧ ﺑﻨﺎﯾﺎ ﺟﺎﺋﮯ ﺍﻭﺭ ﻧﮧ ﮨﯽ ﺑﮭﻮﮎ ﻭﭘﯿﺎﺱ ﺳﮯ ﭘﺮﯾﺸﺎﻥ ﮨﻮﮐﺮ ﭼﮩﺮﮦ ﺑﮕﺎﮌﺍ ﺟﺎﺋﮯ۔ ﮨﻨﺪﻭ ﻣﺬﮨﺐ ﺑﮭﺎﺭﺕ ﻣﯿﮟ ﭘﺮﺍﻧﮯ ﺯﻣﺎﻧﮯ ﺳﮯ ﮨﯽ ﺭﻭﺯﮮ ﮐﺎ ﺗﺼﻮﺭ ﭘﺎﯾﺎ ﺟﺎﺗﺎ ﮨﮯ ﺟﺴﮯ ﻋﺮﻑ ﻋﺎﻡ ﻣﯿﮟ ’’ ﻭﺭﺕ ‘‘ ﮐﮩﺎ ﺟﺎﺗﺎ ﮨﮯ۔ ’’ ﻭﺭﺕ ‘‘ ﮐﯿﻮﮞ ﺭﮐﮭﺎ ﺟﺎﺗﺎ ﮨﮯ ﺍﻭﺭ ﺍﺱ ﮐﮯ ﺍﺣﮑﺎﻡ ﮐﮩﺎﮞ ﺳﮯ ﺍٓﺋﮯ ﺍﺱ ﺑﺎﺭﮮ ﻣﯿﮟ ﭨﮭﯿﮏ ﭨﮭﯿﮏ ﮐﭽﮫ ﻧﮩﯿﮟ ﮐﮩﺎ ﺟﺎ ﺳﮑﺘﺎ ﻣﮕﺮ ﻣﺬﮨﺒﯽ ﺍﻭﺭ ﺳﻤﺎﺟﯽ ﺭﻭﺍﯾﺎﺕ ﭼﻠﯽ ﺍٓﺭﮨﯽ ﮨﯿﮟ ﺟﻦ ﮐﯽ ﭘﺎﺑﻨﺪﯼ ﻣﯿﮟ ﯾﮩﺎﮞ ﺭﻭﺯﮦ ﺭﮐﮭﺎ ﺟﺎﺗﺎ ﮨﮯ۔ﮨﻨﺪﻭﻭﮞ ﻣﯿﮟ ﮨﺮ ﺑﮑﺮﻣﯽ ﻣﮩﯿﻨﮧ ﮐﯽ ﮔﯿﺎﺭﮦ ﺑﺎﺭﮦ ﺗﺎﺭﯾﺨﻮﮞ ﮐﻮ ’’ ﺍﮐﺎﺩﺷﯽ ‘‘ ﮐﺎ ﺭﻭﺯﮦ ﮨﮯ، ﺍﺱ ﺣﺴﺎﺏ ﺳﮯ ﺳﺎﻝ ﻣﯿﮟ ﭼﻮﺑﯿﺲ ﺭﻭﺯﮮ ﮨﻮﺋﮯ ، ﮨﻨﺪﻭ ﺟﻮﮔﯽ ﺍﻭﺭ ﺳﺎﺩﮬﻮ ﻣﯿﮟ ﺑﮭﻮﮐﮯ ﺭﮨﻨﮯ ﮐﯽ ﺭﻭﺍﯾﺖ ﭘﺮﺍﻧﮯ ﺯﻣﺎﻧﮯ ﺳﮯ ﭼﻠﯽ ﺍٓﺭﮨﯽ ﮨﮯ ﺍﻭﺭ ﻭﮦ ﺗﭙﺴﯿﺎ ﻭﮔﯿﺎﻥ ،ﺩﮬﯿﺎﻥ ﮐﮯ ﺩﻭﺭﺍﻥ ﻋﻤﻮﻣﺎً ﮐﮭﺎﻧﮯ ﺳﮯ ﭘﺮﮨﯿﺰ ﮐﺮﺗﮯ ﮨﯿﮟ۔ﮨﻨﺪﻭﻭﮞ ﮐﮯ ﮨﺎﮞ ﺭﻭﺯﮮ ﮐﯽ ﺣﺎﻟﺖ ﻣﯿﮟ ﭘﮭﻞ،ﺳﺒﺰﯼ ﺍﻭﺭ ﺩﻭﺩﮪ ﻭﭘﺎﻧﯽ ﻭﻏﯿﺮﮦ ﮐﯽ ﻣﻤﺎﻧﻌﺖ ﻧﮩﯿﮟ ﮨﮯ ،ﻣﮕﺮ ﺑﻌﺾ ﺭﻭﺯﮮ ﺍﯾﺴﮯ ﺑﮭﯽ ﮨﯿﮟ، ﺟﻦ ﻣﯿﮟ ﻭﮦ ﺍﻥ ﭼﯿﺰﻭﮞ ﮐﺎ ﺍﺳﺘﻌﻤﺎﻝ ﺑﮭﯽ ﻧﮩﯿﮟ ﮐﺮﺳﮑﺘﮯ ﮨﯿﮟ۔ﮨﻨﺪﻭﺳﻨﯿﺎﺳﯽ ﺑﮭﯽ ﺟﺐ ﺍﭘﻨﮯ ﻣُﻘﺪﺱ ﻣﻘﺎﻣﺎﺕ ﮐﯽ ﺯﯾﺎﺭﺕ ﮐﯿﻠﺌﮯ ﺟﺎﺗﮯ ﮨﯿﮟ ﺗﻮ ﻭﮦ ﺭﻭﺯﮦ ﻣﯿﮟ ﮨﻮﺗﮯ ﮨﯿﮟ، ﮨﻨﺪﻭﻭٔﮞ ﻣﯿﮟ ﻧﺌﮯ ﺍﻭﺭ ﭘﻮﺭﮮ ﭼﺎﻧﺪ ﮐﮯ ﺩﻧﻮﮞ ﻣﯿﮟ ﺑﮭﯽ ﺭﻭﺯﮦ ﺭﮐﮭﻨﮯ ﮐﺎ ﺭﻭﺍﺝ ﮨﮯ۔ ﺍِﺱ ﮐﮯ ﻋﻼﻭﮦ ﻗﺮﯾﺒﯽ ﻋﺰﯾﺰ ﯾﺎ ﺑﺰﺭﮒ ﮐﯽ ﻭﻓﺎﺕ ﭘﺮﺑﮭﯽ ﺭﻭﺯﮦ ﺭﮐﮭﻨﮯ ﮐﯽ ﺭِﯾﺖ ﭘﺎﺋﯽ ﺟﺎﺗﯽ ﮨﮯ۔ﺧﺎﺹ ﺑﺎﺕ ﯾﮧ ﮐﮧ ﮨﻨﺪﻭ ﻋﻮﺭﺗﯿﮟ ﺍﭘﻨﮯ ﺷﻮﮨﺮﻭﮞ ﮐﯽ ﺩﺭﺍﺯﯼ ﻋُﻤﺮ ﮐﯿﻠﺌﮯ ﺑﮭﯽ ﮐﮍﻭﺍﭼﻮﺗﮫ ﮐﺎﺭﻭﺯﮦ ﺭﮐﮭﺘﯽ ﮨﯿﮟ۔ ﺑُﺪﮪ ﻣﺬﮨﺒﺒﺪﮪ ﻣﺬﮨﺐ ﮐﯽ ﺍﺑﺘﺪﺍ ﭼﮭﭩﯽ ﺻﺪﯼ ﻗﺒﻞ ﻣﺴﯿﺢ ﮐﮯ ﻟﮓ ﺑﮭﮓ ﮨﻨﺪﻭﺳﺘﺎﻥ ﮐﮯ ﺷﻤﺎﻝ ﻣﺸﺮﻗﯽ ﺣﺼﮧ ﻣﯿﮟ ﮨﻮﺋﯽ، ﺑﺪﮪ ﻣﺖ ﮐﮯ ﺑﺎﻧﯽ ﻣﮩﺎﺗﻤﺎ ﺑﺪﮪ ﺗﮭﮯ، ﺑﺪﮪ ﻣﺖ ﻣﯿﮟ ﺭﻭﺯﮮ ﮐﻮ ﺍﻥ ﺗﯿﺮﮦ ﺍﻋﻤﺎﻝ ﻣﯿﮟ ﺷﻤﺎﺭ ﮐﯿﺎ ﮔﯿﺎ ﮨﮯ، ﺟﻮ ﺍﻥ ﮐﮯ ﻧﺰﺩﯾﮏ ﺧﻮﺵ ﮔﻮﺍﺭ ﺯﻧﺪﮔﯽ ﺍﭘﻨﺎﻧﮯ ﻣﯿﮟ ﻣﺪﺩ ﺩﯾﺘﮯ ﮨﯿﮟ۔ ﻭﮦ ﺭﻭﺯﮮ ﮐﻮ ﺑﺎﻃﻦ ﮐﯽ ﭘﺎﮐﯿﺰﮔﯽ ﮐﺎ ﺍﯾﮏ ﺫﺭﯾﻌﮧ ﺳﻤﺠﮭﺘﮯ ﮨﯿﮟ۔ﺑُﺪﮪ ﻣﺖ ﮐﮯ ﺑﮭﮑﺸﻮ ‏( ﻣﺬﮨﺒﯽ ﭘﯿﺸﻮﺍ ‏) ﮐﺌﯽ ﺩﻧﻮﮞ ﺗﮏ ﺭﻭﺯﮦ ﺭﮐﮭﺘﮯ ﮨﯿﮟ ﺍﻭﺭ ﺍﭘﻨﮯ ﮔﻨﺎﮨﻮﮞ ﺳﮯ ﺗﻮﺑﮧ ﮐﺮﺗﮯ ﮨﯿﮟ۔ﮔﻮﺗﻢ ﺑُﺪﮪ ﮐﯽ ﺑﺮﺳﯽ ﺳﮯ ﻣُﺘﺼِﻞ ﭘﮩﻠﮯ ﭘﺎﻧﭻ ﺩﻥ ﮐﮯ ﺭﻭﺯﮮ ﺭﮐﮭﮯ ﺟﺎﺗﮯ ﮨﯿﮟ ﯾﮧ ﺭﻭﺯﮮ ﺑﮭﮑﺸﻮ ﻣﮑﻤﻞ ﺭﮐﮭﺘﮯ ﮨﯿﮟ ﻟﯿﮑﻦ ﻋﻮﺍﻡ ﺟﺰﻭﯼ ﺭﻭﺯﮦ ﺭﮐﮭﺘﮯ ﮨﯿﮟ ﺟﺲ ﻣﯿﮟ ﺻﺮﻑ ﮔﻮﺷﺖ ﮐﮭﺎﻧﺎﻣﻨﻊ ﮨﻮﺗﺎﮨﮯ۔ﺑُﺪﮪ ﻣﺖ ﻣﯿﮟ ﻋﺎﻡ ﭘﯿﺮﻭﮐﺎﺭﻭﮞ ﮐﻮ ﮨﺮ ﻣﺎﮦ ﭼﺎﺭ ﺭﻭﺯﮮ ﺭﮐﮫ ﮐﺮ ﮔﻨﺎﮨﻮﮞ ﮐﺎ ﺍﻋﺘﺮﺍﻑ ﺍﻭﺭ ﺗﻮﺑﮧ ﮐﺮﻧﮯ ﮐﯽ ﺗﺎﮐﯿﺪ ﮐﯽ ﮔﺌﯽ ﮨﮯ۔ﺟﯿﻦ ﻣﺬﮨﺒﺠﯿﻦ ﻣﺖ ﮐﯽ ﺍﺑﺘﺪﺍ ﺍٓﺝ ﺳﮯ ﺗﻘﺮﯾﺒﺎً 2550 ﺳﺎﻝ ﭘﮩﻠﮯ ﮨﻨﺪﻭﺳﺘﺎﻥ ﮐﮯ ﻋﻼﻗﮯ ﺍﺗﺮﭘﺮﺩﯾﺶ ﻣﯿﮟ ﮨﻮﺋﯽ۔ ﻣﮩﺎﻭﯾﺮ ﺍﺱ ﻣﺬﮨﺐ ﮐﮯ ﺑﺎﻧﯽ ﮨﯿﮟ۔ﮨﻨﺪﻭﻣﺖ ﮐﯽ ﻃﺮﺡ ﺟﯿﻦ ﻣﺖ ﻣﯿﮟ ﺑﮭﯽ ﺳﻨﯿﺎﺳﯽ ﻣﻘﺪﺱ ﻣﻘﺎﻣﺎﺕ ﮐﯽ ﺯﯾﺎﺭﺕ ﮐﮯ ﺩﻭﺭﺍﻥ ﻣﯿﮟ ﺭﻭﺯﮮ ﺭﮐﮭﺘﮯ ﮨﯿﮟ ﺍﻭﺭ ﺍﺳﯽ ﻃﺮﺡ ﺑﻌﺾ ﺧﺎﺹ ﺗﮩﻮﺍﺭﻭﮞ ﺳﮯ ﭘﮩﻠﮯ ﺭﻭﺯﮮ ﺭﮐﮭﻨﮯ ﮐﺎ ﺩﺳﺘﻮﺭ ﺑﮭﯽ ﺍﻥ ﻣﯿﮟ ﭘﺎﯾﺎ ﺟﺎﺗﺎ ﮨﮯ، ﺍﻥ ﮐﮯ ﻣﺬﮨﺐ ﻣﯿﮟ ﻣﺸﮩﻮﺭ ﺗﮩﻮﺍﺭ ﻭﮦ ﮨﯿﮟ، ﺟﻮ ﺍﻥ ﮐﮯ ﻣﺬﮨﺐ ﮐﮯ ﺑﺎﻧﯽ ﻣﮩﺎﻭﯾﺮ ﮐﯽ ﺯﻧﺪﮔﯽ ﮐﮯ ﻣﺨﺘﻠﻒ ﺍﯾﺎﻡ ﮐﯽ ﯾﺎﺩ ﻣﯿﮟ ﻣﻨﺎﺋﮯ ﺟﺎﺗﮯ ﮨﯿﮟ۔ﺍﻥ ﮐﺎ ﭘﮩﻼ ﺗﮩﻮﺍﺭ ﺳﺎﻝ ﮐﮯ ﺍﺱ ﺩﻥ ﻣﻨﺎﯾﺎ ﺟﺎﺗﺎ ﮨﮯ، ﺟﺲ ﺩﻥ ﻣﮩﺎﻭﯾﺮ ﻋﺎﻟﻢ ﺑﺎﻻ ﺳﮯ ﺑﻄﻦ ﻣﺎﺩﺭ ﻣﯿﮟ ﻣﻨﺘﻘﻞ ﮨﻮﺋﮯ ﺗﮭﮯ۔ ﺩﻭﺳﺮﺍ ﺗﮩﻮﺍﺭ ﺍﻥ ﮐﮯ ﯾﻮﻡ ﭘﯿﺪﺍﯾﺶ ﭘﺮ ﻣﻨﺎﯾﺎ ﺟﺎﺗﺎ ﮨﮯ۔ ﺗﯿﺴﺮﺍ ﺗﮩﻮﺍﺭ ﺍﺱ ﺩﻥ ﻣﻨﺎﯾﺎ ﺟﺎﺗﺎ ﮨﮯ ﺟﺲ ﺩﻥ ﺍﻧﮭﻮﮞ ﻧﮯ ﺩﻧﯿﺎ ﺳﮯ ﺗﯿﺎﮒ ﺍﺧﺘﯿﺎﺭ ﮐﯿﺎ ﺗﮭﺎ، ﯾﻌﻨﯽ ﺗﺮﮎ ﺩﻧﯿﺎ ﮐﯽ ﺭﺍﮦ ﺍﺧﺘﯿﺎﺭ ﮐﯽ ﺗﮭﯽ۔ ﭼﻮﺗﮭﺎ ﺗﮩﻮﺍﺭ ﺍﺱ ﺩﻥ ﻣﻨﺎﯾﺎ ﺟﺎﺗﺎ ﮨﮯ ﺟﺲ ﺩﻥ ﺍﻧﮭﻮﮞ ﻧﮯ ﺍﻟﮩﺎﻡ ﭘﺎ ﻟﯿﺎ ﺗﮭﺎ ﺍﻭﺭ ﭘﺎﻧﭽﻮﺍﮞ ﺗﮩﻮﺍﺭ ﺍﺱ ﺩﻥ ﻣﻨﺎﯾﺎ ﺟﺎﺗﺎ ﮨﮯ ﺟﺲ ﺩﻥ ﺍﻥ ﮐﯽ ﻭﻓﺎﺕ ﮨﻮﺋﯽ ﺗﮭﯽ ﺍﻭﺭ ﺍﻥ ﮐﯽ ﺭﻭﺡ ﻧﮯ ﺟﺴﻢ ﺳﮯ ﻣﮑﻤﻞ ﺍٓﺯﺍﺩﯼ ﺣﺎﺻﻞ ﮐﺮ ﻟﯽ ﺗﮭﯽ۔ﺍﻥ ﺗﮩﻮﺍﺭﻭﮞ ﻣﯿﮟ ﺳﺐ ﺳﮯ ﻧﻤﺎﯾﺎﮞ ﺗﮩﻮﺍﺭ ﭘﺮﺳﻨﺎ ﮐﮯ ﻧﺎﻡ ﺳﮯ ﻣﻮﺳﻮﻡ ﮨﮯ۔ ﯾﮧ ﺗﮩﻮﺍﺭ ﺑﮭﺎﺩﺭﺍ ﭘﺎﺩﺍ ‏( ﺍﮔﺴﺖ۔ ﺳﺘﻤﺒﺮ ‏) ﮐﮯ ﻣﮩﯿﻨﮯ ﻣﯿﮟ ﻣﻨﺎﯾﺎ ﺟﺎﺗﺎ ﮨﮯ۔ ﺟﯿﻦ ﻣﺖ ﮐﮯ ﺑﻌﺾ ﻓﺮﻗﻮﮞ ﻣﯿﮟ ﯾﮧ ﺗﮩﻮﺍﺭ ﺍٓﭨﮫ ﺩﻥ ﺗﮏ ﺍﻭﺭ ﺑﻌﺾ ﻣﯿﮟ ﺩﺱ ﺩﻥ ﺗﮏ ﺟﺎﺭﯼ ﺭﮨﺘﺎ ﮨﮯ۔ ﺍﺱ ﺗﮩﻮﺍﺭ ﮐﺎ ﭼﻮﺗﮭﺎ ﺩﻥ ﻣﮩﺎﻭﯾﺮ ﮐﺎ ﯾﻮﻡ ﭘﯿﺪﺍﯾﺶ ﮨﮯ۔ ﺍﺱ ﺗﮩﻮﺍﺭ ﮐﮯ ﻣﻮﻗﻊ ﭘﺮ ﻋﺎﻡ ﻟﻮﮒ ﺭﻭﺯﮮ ﺭﮐﮭﺘﮯ ﺍﻭﺭ ﺍﭘﻨﮯ ﭘﭽﮭﻠﮯ ﮔﻨﺎﮨﻮﮞ ﮐﯽ ﻣﻌﺎﻓﯽ ﻣﺎﻧﮕﺘﮯ ﺍﻭﺭ ﺗﻮﺑﮧ ﮐﺮﺗﮯ ﮨﯿﮟ۔